The Perfect Pitch
The Perfect Pitch is ’n nuwe inisiatief van die Toyota Stellenbosch Woordfees waar jou droom dalk net kan waar word.
Hoe werk dit?
Teatermakers kry vyf minute om hul droomproduksie aan ’n paneel sakeleiers en beleggers te verkoop, met tot R1 miljoen se ontwikkelingsfinansiering beskikbaar. Bekendes soos Saartjie Botha, Cornelia Faasen, Pieter Toerien en Carel Nolte van EasyEquities is op die beoordelaarspaneel. Kom oortuig hulle om in jou produksie te belê.
En as hulle nie belangstel nie, is daar dalk iemand anders in die gehoor wat vir jou die geld wil gee om jou droomproduksie te laat realiseer. Jy weet nooit!
Hoe skryf ek in?
Enige professionele teatermaker met ’n sterk konsep vir ’n teaterproduksie kan inskryf. Voltooi die inskrywingsvorm teen 30 Augustus. Indien goedgekeur, sal jy jou voorlegging op 8 Oktober voor die paneel en ’n gehoor doen.
Dis ’n groot geleentheid vir Suid-Afrikaanse teatermakers om hul volgende groot produksie te laat realiseer!