Workshops / Seminars

Events

Events Search and Views Navigation

Event Views Navigation

Today

  • PEN: Wat soek die uitgewer

    PEN: Wat soek die uitgewer?

    Aanlyn sessies vind plaas: 11 Junie, 9 Julie en 6 Augustus 2026

     

    PEN Afrikaans nooi graag hul lede en ander belangstellendes om deel te neem aan drie aanlyn byeenkomste waartydens uitgewers van fiksie, niefiksie en kinder- en jeugboeke hul perspektiewe en wenslyste kom deel. In hierdie aanlyn sessies kan skrywers kom wenke kry oor hoe om hul kanse op ’n publikasie-aanbod te vergroot. Hoe lyk ’n goeie manuskripvoorlegging? Watter elemente moet dit bevat? Watter tendense of faktore speel tans ’n noemenswaardige rol in die onderskeie uitgewers se publikasiebesluite? Verskeie uitgewers sal kom saamgesels en daar sal tyd wees om aan hulle vrae te stel.

  • Skryfnet: Skryf 'n draaiboek vir 'n kortfilm

    Skryfnet: Skryf ʼn draaiboek vir kortfilm

    Voorlopige aanvangsdatum: 29 Junie 2026

     

    Skryf ʼn draaiboek vir kortfilm is ʼn praktiese skryfkursus wat fokus op die belangrikste elemente van kortfilmdraaiboeke. Deelnemers aan hierdie kursus sal begelei word om ʼn eenvoudige en treffende idee te konseptualiseer, die hoof- en newekarakters te skep en te verken, ʼn boeiende storielyn en -wêreld te skep, die flimspan akkuraat te begelei en ʼn sinvolle struktuur te skep wat trefkrag het.

  • RSG Radiodrama 2026

    RSG en ATKV kondig 30ste radiodramaskryfkompetisie aan

    Sluitingsdatum: 30 Junie 2026

     

    RSG en die ATKV vier vanjaar met trots die dertigste radiodramaskryfkompetisie. En om hierdie mylpaal te gedenk, gaan daar in die 2026-kompetisie meer prysgeld én wenners wees. Die kompetisie is een van die oudste skryfkompetisies, asook die enigste wat steeds radiodrama in Afrikaans bevorder.

  • Kus tot KwaNojoli

    Kus tot KwaNojoli: Gratis kreatiewe kursus vir opkomende skrywers

    Sluitingsdatum: 3 Julie 2026

     

    Die Jakes Gerwel Stigting & die Nelson Mandela Universiteit se Skool vir Tale: Afdeling Afrikaans en Fakulteit Opvoedkunde, nooi graag alle voornemende Afrikaanse skrywers en digters uit om aansoek te doen vir ’n gratis skryfwerkswinkel wat op die kampus in Gqeberha vanaf 29 tot 31 Julie 2026 aangebied word.

  • Teksmark 2026

    Teksmark 2026

    Sluitingsdatum: 17 Julie 2026

     

    Teksmark moedig die skep van nuwe Suid-Afrikaanse verhoogtekste aan en bied aan skrywers ’n geleentheid om hul idees en tekste vir moontlike verdere ontwikkeling aan belanghebbendes in die teaterbedryf bekend te stel. Vanjaar is daar ’n spesifieke fokus op teksidees in die genres van kabaret, satire of komedie met sosiopolitieke kommentaar en, hoewel teksidees in alle genres aanvaar word, word voorkeur aan hierdie tekste gegee tydens keuring.

    Die 11de Teksmark word op Donderdag 10 en Vrydag 11 September 2026 by die Baxterteatersentrum in Kaapstad aangebied, met die derde Teksmark Joburg wat Woensdag 21 Oktober by die Universiteit van Johannesburg aangebied word.

  • ATKV Skryfskool 2026

    ATKV-Skryfskool 2026

    Kursus datums: 24 tot 26 Julie 2026

     

    Die ATKV-Skryfskool word weer vanjaar tydens die Etienne van Heerden Veldsoirée in Nxuba/Cradock aangebied. Hannes Barnard bied ’n prosakursus aan, terwyl Bernard Odendaal ’n poësiekursus aanbied. Die prosaskrywers word aangemoedig om ’n eie kortverhaal na die skryfskool te bring, en die digters word versoek om een of twee eie gedigte saam te bring.

  • Elgin Poetry Festival 2026

    Elgin Poetry Festival

    Festival Dates: 24 to 26 July 2026

     

    Together with Cheverells Farm and Liberty Books, Karavan Press is organising a poetry festival in the stunning Elgin! Between 24 and 26 July 2026, Cheverells Farm and Liberty Books will be home to the inaugural Elgin Poetry Festival. Expect a series of events – launches, discussions, readings and workshops – celebrating poetry with all poetry lovers. The festival will commence with a Friday night fine dining & poetry evening and continue over the weekend. The Poetry Workshop will take place on Sunday from 10:00 to 13:00.

  • AWP Writer to Writer

    AWP Writer to Writer Mentorship Program

    Application deadline: 31 July 2026

     

    The AWP Writer to Writer Mentorship Program matches emerging writers with established authors for a three-month series of modules on topics such as craft, revision, publishing, and the writing life. Mentors volunteer their time and receive a free one-year AWP individual membership as a token of appreciation. Writer to Writer is free of charge to mentees, though they must be AWP members to apply.

  • Skryfnet: Skryf 'n kinderverhaal

    Skryfnet: Skryf ’n kinderverhaal

    Voorlopige aanvangsdatum: 3 Augustus 2026

     

    Skryf ’n Kinderverhaal is ’n praktiese skryfkursus wat fokus op die belangrikste elemente van kinderverhale. Deelnemers aan hierdie kursus sal leer hoe om ’n kinderboek te beplan en te skryf vir kinders tussen die ouderdom van agt en twaalf.

  • Skryfnet: Skryf 'n gedig

    Skryfnet: Skryf ’n gedig

    Begindatum: 28 September 2026

     

    Die Skryf ’n gedig-kursus word oor ses weke op Skryfnet se aanlyn leerplatform aangebied en enigeen wat met woorde wil woeker, is welkom om in te skryf. Benewens twee aanlyn sessies, kry deelnemers ook elke week toegang tot ’n nuwe tema se leermateriaal, asook individuele terugvoer van die fasiliteerder op praktiese oefeninge.